JPL 2.0

16問 • 1年前

問題一覧

Magtiwala sa dakilang lumikha na siyang namamatnugot sa kapalaran ng mga tao at bansa.

I.Patnubay ng Dakilang Lumikha

Ibigin mo ang iyong bansa sapagkat ito ang tahanan ng iyong bayan, ang batayan ng iyong pagmamahal at pinagmumulan ng iyong kaligayahan at kagalinagan. Ang pagtatanggol sa kanya ay siya mong pangunang tungkulin. Maging laan ka sa lahat ng sandali sa pagpapakasakit at pagpapakamatay sa kanyang kapakanan, kung kinakailangan.

II.Pag-ibig at Tungkulin sa Bansa

Igalang mo ang saligang-batas na siyang nagpapahayag ng pamamahala mo sa iyong sarili. Ang pamahalaan ang iyong pamahalaan. Itinatag ito sa iyong sariling kaligtasan at kagalingan. Sundin mo ang batas at sikapin mong ito’y masunod na lahat at ang mga pinunong bayan ay tumupad sa kanilang tungkulin.

Ang Mamamayan at ang Saligang-Batas

Bayaran mo nang maluwag sa loob ang iyong mga buwis. Ang pamamayan ay nangangahulugang hindi lamang ng mga karapatan kung di gayon din ng mga tungkulin.

IV.Para sa Ano ang mga Buwis

Pangalagaan mo ang kalinisan ng paghalal at tumalima ka sa kapasyahan ng nakakarami.

Karapatang Maghalal at Pasya ng Nakakarami

Igalang at mahalin ang iyong mga magulang. Tungkulin ninyong sila’y paglingkuran nang mabuti at walang pag-iimbot.

VI.Mga Tungkulin ng mga Anak

Pahalagahan mo ang iyong karangalan nang katulad ng iyong buhay. Ang paghihirap nang may dangal ay lalong mabuti kaysa pagtatamasa nang walang karangalan.

VII.Ang Kahalagahan ng Dangal

Maging matapat ka sa isipan at sa gawa. Maging makatarungan ka at makapagkawanggawa, magalang at marangal sa pakikipagkapwa.

Mga Katangian Pantao at Panlipunan

Maging malinis ka sa iyong pamumuhay. Huwag kang magmamalas sa karangyaan O pagkukunwari. Maging pangkaraniwan ka sa pananamit at mababang loob sa iyong kilos.

IX.Kababaang-Loob at Pagtitipid

Mamuhay ka nang naaalinsunod sa mabunying kinamulatan ng ating mga bayani. Parangalan mo ang alaala ng ating mga bayani. Ang kanilang buhay ay nagtuturo ng landas sa katungkulan at karangalan.

X. Ang Kahulugan Ng Mga Bayani

Maging masipag ka. Huwag kang matakot at huwag mong ikahiya ang paggawa. Ang paggawang mapakinabang ay nagbibigay-daan sa katatagan sa kabuhayan at nagdaragdag sa kayamanan ng bansa.

Paggawa at Yamang Pambansa

Umasa sa iyong sariling pagsisikap, sa iyong sariling kaunlaran at kaligayahan. Huwag kang masisiraan ng loob agad. Magtiyaga ka sa pagsasakit sa iyong hangaring hindi labag sa batas.

Pagtitiwala sa Sariling Kakayahan at Pagtitiyaga

Gampanan mo ang iyong gawain nang masaya, lubusan at mabuti. Ang gawaing masama ang pagkakagawa ay masama pa sa gawaing hindi tapos. Huwag mong ipaubaya bukas ang magagawa mo ngayon.

Puspusang Paggawa at Pagkamaagap

Umabuloy ka sa kagalingan ng iyong pook na tinatahanan at tumulong sa pagpapaunlad ng katarungang panlipunan. Hindi ka nabubuhay sa iyong sarili at sa iyong angkan lamang. Bahagi ka ng lipunan na pinagkakautangan mo ng mga pananagutan.

Mga Tungkulin at Katarungan Panlipunan

Ugaliin mo ang paggamit ng mga kasangkapang yari sa Pilipinas. Tangkilikin mo ang mga ani at kalakal ng iyong mga kababayan.

Pagtangkilik,Pagkamakabayan sa Kabuhayang Pambansa

Gamitin mo ang ating mga likas na kayamanan at panatilihin sa kapakanan ng hinaharap na salin ng lahi. Iyan ang dakilang pamana ng ating bayan. Huwag mong ipagbili ang iyong pagkamamamayan.

Pangangalaga sa Pamana sa Atin

MULTICULTURAL

rhyzza sanpedro · 135問 · 3年前

MULTICULTURAL